1

Monday, January 8, 2018

KPOF-KPOF GOVAMENTI _-BY EMIFAINEX




See dem feesi like patasko beans wey no don,
See dem noozu like white garri wey dey for cold wota,
See dem mouthu like old solja man shuu,
See dem eyez like kpof-kpof wey oven burn taya.
Dem neeva comot stone wey dey their eyez,
And dey won comot san san wey dey man pikin eyez.
Dey don yan us make we kuku kari salt put put for wota baf,
Say imdey privent ebola;
Chai dey don trai well well.
Dey don tell us make we chop chop coconut,
Drink im wota finish, say im dey kill kill polio,
Chai dey don trai well well.
Dey don tell us make we kolect old television
And old botulu, say oyibo pesin go give us moni bokwu-bokwu,
Chai dey don trai well well.
Dem tell us make we vote-vote dem,
Say dey kari change tanda gidigba
Helep our naija to dey like obodo oyibo,
Chai dey don trai well well.
Yesterday for parliament dey yan us say aunty Angelina no wear bra,
Today for govamenti house day don come yan us say im wear, but edon tear-tear finish,
Tomorrow for court, dey go still yan us say n aim two big bolon-bolon teaream like sharp tiger razor.
Anyway! na dead bodi wey get chance-dey go mortuary.
Dis our kpof-kpof govamenti na mago-mago govamenti

No comments:

Post a Comment

Disclaimer: Though we strive to be completely accurate in the information that is presented on our site, and attempt to keep it as up to date as possible, in some cases, some of the information you find on the website may be slightly outdated. www.blacksundiamondblog.com reserves the right to make any modifications or corrections to the information you find on the website at any time without notice.